Þjóðarsorg í Portúgal

18.06.2017 - 14:34
epa06035323 Portuguese Republican National Guard soldiers battle with a forest fire in Capela Sao Neitel, Alvaiazere, central Portugal, 18 June 2017. At least sixty two people have been killed in forest fires in central Portugal, with many being trapped
 Mynd: EPA  -  LUSA
Þriggja daga þjóðarsorg hefur verið lýst yfir í Portúgal vegna mikilla skógarelda. Eldarnir eru þeir skæðustu í seinni tíð og hafa 63 látist og yfir 50 slasast. Óttast er að fleiri hafi sakað þar sem yfirvöld hafa ekki náð sambandi við fólk á öllum þeim svæðum þar sem eldarnir loga.

Forsætisráðherra Portúgals, Antonio Costa, sagði eldana einn mesta harmleik í sögu portúgölsku þjóðarinnar í áraraðir. Eldarnir kviknuðu í gær en hitabylgja hefur gengið yfir landið og hitinn víða farið yfir 40 gráður.

BBC greinir frá því að mögulegt sé að þrumuveður sé orsök eldanna. Fjögur börn eru meðal þeirra sem látist hafa í eldunum. Flestir hafa látist í bílum sínum á leið frá hættusvæðunum. Eldar loga á 156 stöðum í Portúgal. Verst er ástandið í miðju landi, á svæðinu Pedrógão Grande.

Fréttin hefur verið uppfærð.